Marrëveshja që u bë sot për Reformën Zgjedhore shkaktoi debate të shumta në opinionin publik.
Pano Soko, i ftuar në emisionin ‘Tempora’ ka akuzuar qeverinë se bëjnë pazare dhe tryeza e sotme është bërë bërë 44 herë mes PD-së dhe PS-së. Ish- deputeti i Partisë Demokratike Oerd Bylykbashi e kundërshtoi duke u shprekur se tryeza ishte një nga kushtet e Bundestagut.
“Ky vend ka mbetur peng i këtyre marrëveshjeve. 44 marrëveshje ka bërë Shqipëria, prandaj jemi në këtë pikë. 44 marrëveshje, PS-PD. Nuk janë marrëveshje, janë pazare, këta ulen bëjnë pazare. Çdo gjë që keni bërë e keni bërë për pazar. Në 2017 ashtu u bë dhe në fund dolët duke thënë se u garantuan zgjedhjet.” – u shpreh Soko ndër të tjera.
Kujtojmë që në takimin e sotëm opozita dhe maxhoranca kanë arritur në konsensus për Reformën Zgjedhore. Palët kanë rënë dakord që reforma të bëhet me konsensus dhe të ‘nxirret’ nga Kuvendi, për të marrë pjesë dhe opozita jashtëparlamentare.
