Tregoi arsyet e ndarjes/ Mozzik reagon ashpër ndaj Loredanës: “Po të gënjen egoja, mos përdor Hanën…” [FOTO]

Çifti i njohur i showbizit Loredana dhe Mozzik bënë bujë në mediat rozë nga ndarja e papritur me njeri tjetrin. Së fundmi, Loredana ishte e ftuar në emisionin “NIN” ku ka folur rreth kesaj teme delikate, ndarjes. U aludua se kjo ndarje ishte vetëm për marketing, mirëpo këngëtarja e ka përgënjështruar duke thënë se as ajo vetë nuk e di se pse u ndanë.

Gjithashtu reperja u shpreh se ajo dhe Mozzik kanë një marrëdhënie të mirë edhe pas ndarjes dhe mund të ekzistojë mundësia edhe për një rikthim.

Mirëpo Mozzik nuk e priti dhe aq mirë këtë reagim të kësaj interviste dhe është shprehur ashpër ndaj ish-partneres. Me anë të një postimi në instastory, i kërkoi Loredanës  që të mos e përfshijë fare vajzën e tyre Hana në këtë çështje dhe të mos gënjejë. Mozzik nuk jep një arsye konkrete të ndarjes, por thotë se dashuria nuk njeh pare, famë, muzikë, por për Loredanën është ndryshe:

“Dashuria nuk njeh pare, famë, muzikë, por ja që te ti njeh, sepse je shumë e re në këtë lamijë”, shprehet reperi.

Statusi i plotë i Mozzik

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Ti je ‘nënë’ e një nëne nuk i ka hije të gënjejë sepse është ligësi. E një ‘nëne’ nuk i ka hije të gënjejë. Atë engjëllin e vogël mos e përdor për t’u viktimizuar, për t’u bërë viktimë, kinse e dashur. Çdo herë po të shpëton Hana nga ngjarjet e fundit. Sepse është fëmijë ende, normal që e do, të kuptoj, por mos e përdor si të vetmen armë.

Mua më njeh ti, familja jote, rrethi yt, kush jam unë shumë mirë, e shumë mirë të njohin dhe ty.

Dashuria nuk njeh pare, famë, muzikë, por ja që te ti njeh, sepse je shumë e re në këtë lamijë.

E ti shumë e mirë e di, njerëzit e tu e dinë, cilat janë arsyet që unë jam larguar nga ti, e asnjëra nuk ishte nga ato që kishe cekur në intervistë. Unë nuk jetoj nga mediat, gazetat, sepse është pjesë private, por mos u mburr me krenarinë e gabuar. Po të gënjen egoja.

Rrafsh tre vite gati isha për ty si në të mirë e në të keq. Dhe do të isha ende, po të mos e bëje bërllog ti.

Unë i kam 24 vite jetë, asnjëherë s’ia kam dëshiruar vetes këtë martesë të shkurtër, por ja që jeta qenka vetëm befasia.

Do ngelesh nëna e çikës sime, të uroj më të mirat në jetë.

Hera e fundit që flas për ketë temë. Po më vjen turp të merrem me kështu punësh pa lidhje, filma, seriale, po nuk lejoj as të tentojnë të njollosin emrin tim e të familjes sime.”