Marrëveshja PS-PD, reagon OSBE: Hap i rëndësishëm drejt një reforme të plotë

Pas marrëveshjes së arritur mes mazhorancës dhe opozitës në lidhje me Reformën Zgjedhore, ka reaguar OSBE në Shqipëri. Pas kësaj marrëveshjeje një nga konkluzionet e arritura gjatë takimit mes palëve ishte që Reforma të Përfundojë deri më datën 15 mars.

Përmes një noftimi në rrjete sociale OSBE thotë se e mirëpret marrëveshjen e sotme dhe e sheh atë si një hap të parë të rëndësishëm drejt një reforme të plotë e në kohën e duhur, që do të trajtojë të gjitha rekomandimet e OSBE/ODIHR-it.

“Prezenca e OSBE-së në Shqipëri mirëpret marrëveshjen e sotme politike për reformën zgjedhore. E shohim këtë marrëveshje si një hap të parë të rëndësishëm drejt një reforme të plotë e në kohën e duhur, që do të trajtojë të gjitha rekomandimet e OSBE/ODIHR-it, në dobi të të gjithë qytetarëve shqiptarë. Prezenca është e gatshme të vijojë të kontribuojë në procesin e reformës zgjedhore, në përputhje me mandatin e saj”, shkruhen në njoftimin e OSBE.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern