Një 53-vjeçar është gjetur në gjendje të rënduar shëndetësore nga kalimtarët te Liqeni Artificial.
Ndërkaq, sipas njoftimit të policisë mësohet se është dërguar me autoambulancë në Spital, por fatkeqësisht ka ndërruar jetë.
Po të njëjtat burime bëjnë të ditur se nga këqyrja paraprake nuk janë konstatuar shenja dhune por dyshohet të ketë humbur jetën si pasojë e arrestit kardiak.
Njoftimi i policisë:
Rreth orës 18:00 në vendin e quajtur “Liqeni Artificial”, disa kalimtarë kanë konstatuar një shtetas rreth 53 vjeç në gjëndje të rënduar shëndetsore, i cili është dërguar me autoambulancë në Spital, prej nga ku ka ndërruar jetë.
Nga kqyrja paraprake nuk janë konstatuar shenja dhune apo dëmtime të shkaktuara nga faktorë të tjerë.
Nga dëshmitë e marra nga dëshmitarët okular, paraprakisht dyshohet të ketë humbur jetën si pasojë e arrestit kardiak.
Grupi hetimor po vijon hetimet për identifikimin e shtetasit që ndërroi jetë dhe sqarimin e plotë të rrethanave të ngjarjes.
