Ditën e sotme Gjykata e tiranës ka vendosur të shtyjë seancën për rivlerësimin e masës së sigurisë për ish-kryetarin e Bashkisë së Vorës, Agim Kajmaku.
Ky vendim erdhi pas ndryshimit të dëshmisë për falsifikimin e dokumenteve nga shefja e protokollit në Bashkinë vorë.
Seanca e rradhës do të mbahet më 28 janar.
Më datë 12 nëntor 2019, Gjykata e Tiranës vendosi “arrest me burg” në mungesë për ish-kreun e Bashkisë vorë, ndërsa një ditë më parë prokuroria kishte lëshuar një urdhër arresti në drejtim të tij.
Gjatë seancës së sotme Prokuroria ka kërkuar të mbetet në fuqi masa e sigurisë “arrest me burg” për Kajmakun.
Kujtojmë se me 21 nëntor Gjykata e Apelit në Tiranë la në fuqi të njëjtën masë për ish-kryebashkiakun e Vorës, i cili u shkarkua nga KQZ më 1 nëntor pasi shkeli ligjin e dekriminalizimit duke fshehur një dënim në Greqi.
Ndërsa sot avokatët e Kajmakut kërkuan ndryshim të masës, nga “arrest me burg” në një masë më të butë.
