Mëngjesin e sotëm Autoriteti Rrugor Shqiptar (ARRSH) ka dhënë informacion për gjendjen e akseve kryesore të vendit.
Sipas njoftimit të publikuar ARRSH bën me dije se në aksin Qafë Dragalicë-Steblevë, rekomandohet përdorimi i zinxhirëve dhe shton se në të gjitha akset e tjera të rrjetit kombëtar, qarkullimi kryhet normalisht, pa zinxhirë.
“Rajoni Verior – aksi Qafë e Buallit-Krastë, u pastrua dhe qarkullohet normalisht, në të gjitha akset e këtij Rajoni qarkullimi kryhet pa zinxhirë.
Rajoni Qendror – përveç një pjese në segmentin Ura e Cerenecit-Steblevë, e konkretisht në Qafë Dragalicë-Steblevë, ku rekomandohet përdorimi i zinxhirëve, në të gjitha akset e tjera garkullimi vazhdon normalisht.
Rajoni Jugor nuk ka probleme me qarkullimin e mjeteve.
Në të gjitha akset e tjera të rrjetit kombëtar, qarkullimi kryhet normalisht, pa zinxhirë.
Të gjithë kontraktorët janë në gatishmëri për përballimin e çdo situate. Vijon puna për pastrimin e akseve dhe kriposjen në vendet ku ka ngrica dhe akull nga temperaturat e ulëta”, thuhet në njoftim.
