Terminali i autobuzëve të Jugut dhe Veriut nuk do të jenë më te zona e quajtur si “Dogana” në Tiranë.
Duke filluar nga sot ky terminal do të jetë te “Kthesa e Kamzës”.
Sipas asaj që deklaron Bashkia e Tiranës terminali i ri do të ofrojë më shumë vende qëndrimi për autobuzët, dhe janë marrë masa për lehtësimin e lëvizjes së qytetarëve brenda qytetit me anë të transportit urban.
Terminali i ri do të jetë në shërbim të 43 linjave të zonës së jugut dhe 20 linjave të zonës së veriut, duke sjellë kushte më të mira dhe lehtësi në qarkullim.
