Gjykata e Durrësit ka nisur sot seancën për të caktuar masat e sigurisë për 17 personat e arrestuar dhe 1 të shpallur në kërkim për zyrtarët e policisë dhe pushtetit vendor.
Ndërkohë që njëri prej tyre ka patur probleme shëndetësore që i kanë nisur dhe në sallën e gjyqit.
Ai është Agim Osmani, me detyrë ndihmës specialist në policinë e Durrësit, që ra në pranga tre ditë më parë.
Mësohet se ai ka pasur shqetësime në zemër, dhe nga salla e gjyqit ka shkuar për në spitalin rajonal për të marrë ndihmën mjekësore që i nevojitej.
Kujtojmë se personat që kanë rënë në pranga akuzohen se kanë krijuar një mekanizëm korruptiv për të përfituar para në këmbim të lejeve të ndërtimit për objekte të paligjshme si magazina, banesa dhe biznese.
