Ishte në kërkim ndërkombëtar, arrestohet në Francë mirditori i rrezikshëm (EMRI)

Është arrestuar në Francë një shqiptar 50-vjeçar i shpallur në kërkim ndërkombëtar.

Sipas informacioneve shtetasi në fjalë është Tom Kaci, i cili ishte i dënuar me 5 vite burg për veprën penale në fushën e narkotikëve.

Në njoftimin zyrtar, policia bën me dije se se falë shkëmbimit të vazhdueshëm të informacioneve mes Interpol Tirana dhe homologëve, u arrestua në Francë, një i kërkuar për veprimtari kriminale në fushën e narkotikëve.

NJOFTIMI ZYRTAR I POLICISE

Si rezultat u bë i mundur arrestimi i shtetasit Tom Kaçi, 50 vjeç, banues në Bulshar, Mirditë. Ky shtetas ka qenë person me precedent të mëparshëm penal.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ky shtetas ishte i shpallur në kërkim, pasi Gjykata e Apelit Shkodër e ka dënuar me 5 vite burgim, për vepër penale në fushën e narkotikëve.

Shtetasi Tom Kaçi, në bashkëpunim me një shtetas tjetër, në zona të thella malore të rrethit Mirditë kultivonte lëndë narkotike të llojit cannabis sativa dhe më pas ata kryenin transportimin e saj me mjete, në drejtim të zonave urbane të Mirditës.

Në kuadër të procedimit penal të regjistruar që në vitin 2013, u bë i mundur dokumentimi me prova ligjore i aktivitetit të paligjshëm në fushën e kultivimit dhe trafikimit të narkotikëve.