LIGJET E BIZNESIT
Presidenti grek Prokopis Pavlopoilos ka dhënë një mesazh për minoritetin grek në Shqipëri me rastin e 29 vjetorit të themelimit të Omonias. Pavlopoulos ka deklaruar se Greqia do të mbështesë mirëqënien e minoritetit grek në Shqipëri.
Ai ka bërë thirrje për mbrojtjen e të drejtave të minoriteteve, duke theksuar se respektimi dhe mbrojtja e tyre është një kriter i BE.
Ndër të tjera presidenti grek tha se Athina po e ndjek çështjen e minoritetit grek në Shqipëri.
Presidenti grek në një letër të dërguar ambasadës greke në Shqipëri ka organizuar një aktivitet festiv, gjatë të cilit ambasadorja Soia Filipidu transmetoi mesazhin e presidentit Pavlopulos.
Letra e Pavlopulos:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
‘Greqia është e gatshme në çdo kohë të mbështesë çdo iniciativë e aktivitet për progresin e mirëqënien e minoritetit grek të Shqipërisë, pranë të cilit qëndrojmë të paepur e do të vazhdojmë edhe në të ardhmen.
Gjatë kësaj periudhe organizata Omonia, shpesh herë në kushte tepër të vështira, arriti të përfaqësojë me dinjitet Helenizmin e Shqipërisë, duke dhënë mjaft beteja për mbrojtjen e të drejtave themelore bazë.
Sot, mbrojtja e të drejtave minoritare dhe të pasurisë së Minoritetit Etnik grek janë pjesë e pandarë e kritereve që BE i ka parashtruar Shqipërisë për integrimin e mëtejshëm.
Ndërsa ka theksuar se Greqia e ndjek çështjen nga afër dhe hedh të gjjtha hapat e duhura për sigurimin e të drejtave të minoritarëve grekë në Shqipëri.
Për t’u përballur me çdo sfidë të shfaqur është tepër i rëndësishëm aktivizimi i vazhdueshëm dhe iniciativat që ndërmerrni. Rezultati i dëshiruar vjen nëse krijoni kushte për konsensus, komunikim si dhe hidhen hapa të koordinuara, të studiuara, çfarë vihet re se në mjaft raste, në vitet e mëparshme, kanë munguar ndjeshëm’, ka thënë presidenti grek, në mesazhin e dërguar sot në ambasadën e Greqisë në Shqipëri.
