Ditën e sotme, Sekretari i Përgjithshëm i Partisë Demokratike, Gazmend Bardhi, në Dibër Zhvilloi një takim me strukturat drejtuese të PD. Gjatë takimit, Bardhi ka bërë një deklaratë të fortë me dy kryebashkiakët e këtij Qarku.
Bardhi u shpreh se për dy kryebashkiakë të dalë nga votimet e 30 qershorit, po mblidhen prova që të vërtetojnë të shkuarën e tyre kriminake, ndonëse ende nuk përmendi emra.
Nga ana tjetër, Bardhi tha se objektivi politik i PD mbetet ai i vitit të kaluar, zgjedhje të parakohshme lokale e parlamentare me qeveri teknike. Ai i bëri apel edhe prokurorisë së Dibrës të hapë dosjen 184, për të nxjerrë para ligjit krimet zgjedhore në këtë bashki.
