Zona të ndryshme në Australi janë duke luftuar me flakët e zjarreve masive. Pavarësisht shirave të regjistruara ditët e fundit, nuk po e favorizojnë aspak situatën e rënduar. Sipas të dhënave, mbi 25 njerëz kanë mbetur të vdekur dhe 1 miliardë kafshë rezultojnë të humbura për gjatë dy muajsh.
Mediat e huaja nraportojnë së,bëhet fjalë për një lloj shpendi, sjellja e të cilëve ka çuar në pseudonimet ‘zjarrvënës’ pasi shihen duke përhapur zjarre duke kapur shkopinj flakërues dhe duke i hedhur në fusha të thata.
Deri në vitin 2018 mendohej se ata thjesht po përhapnin zjarr rastësisht, sipas National Geographic. Por hulumtimet e mëtutjeshme në sjelljen e tyre zbuluan se ata po përhapnin zjarret, me qëllim të përfitimit.
Eksperti i shpendëve Bob Gosford filloi një projekt të madh kërkimor në vitin 2012 bazuar në regjistrimet e fenomenit. Ideja u nxit nga raportet e udhëheqësit të një grupi të gjuhëve Alaëa, punonjësin e shëndetit dhe aktivistin Phillip Eaipuldanya Roberts.
“Unë kam parë një skifter të marrë një shkop duke u djegur në kthetrat e tij dhe ta hedh në një copëz të freskët me bar të thatë, gjysmë milje larg, pastaj të presë eksodin e çmendur të brejtësve dhe zvarranikëve të djegur dhe të frikësuar nga zjarri”.
“Kur ajo zonë u dogj, procesi u përsërit diku tjetër…”, citohet të ketë thënë Eaipuldanya.
Gjetjet përcaktuan se zogjtë në fakt po përhapnin zjarrin me qëllim, diçka që konfirmoi Gosford.
“Ka të bëjë me ushqimin, sepse nga këto kullota dalin zogj të vegjël, hardhucë, insekte, gjithçka që ikën përpara zjarrit”, ka thënë ai.
