“Boja”, Ramës nuk i del e keqja: Nuk do t’i hap rrugë budallallëkut…

Sherri sot në parlament, që kulmoi me bojën që deputeti demokrat Edi Paloka i hodhi kryeministrit Edi Rama ka shkaktuar “furtunë”.

Në lidhje më incidentin ka reaguar kryeministri Rama në profilin e tij në Instagram ndaj Palokës. Rama bën ironi me shiringën, duke e quajtur penë, si dhe ironizon Palokën duke e konsideruar mendimtar, për ta zvogëluar përmes këtyre krahasimeve gjestin e tij.

Pas kësaj Rama ka reaguar sërish në “Twitter”,  ka falenderuar për mesazhet e solidaritetit, gjithashtu ka ironizuar sërish duke thënë se nuk i vjen keq se me bojrat është rritur.

Ndërsa ka ironizuar opozitën, duke i quajtur “palopërfaqësueses” dhe “zorzopë”, ndërsa shton se i rritet pasioni kundër tyre.

“Flm për mesazhet e solidaritetit, po s’më shqetëson hiç boja se me bojrat jam rritur e mësuar. Më shqetëson mendja e shpirti katran i palopërfaqësuesve të një populli që s’i meriton këta zorzopë. Prandaj jo që s’i hap rrugë budallallëkut, po veç më rritet pasioni e vendosmëria”, shkruan Rama në “Twitter”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Flm për mesazhet e solidaritetit, po s'më shqetëson hiç boja se me bojrat jam rritur e mësuar😁Më shqetëson mendja e shpirti katran i palopërfaqësuesve të një populli që s'i meriton këta zorzopë. Prandaj jo që s'i hap rrugë budallallëkut, po veç më rritet pasioni e vendosmëria👊

— Edi Rama (@ediramaal) February 14, 2019