Përkeqësohet moti, rreshjet e dendura të shiut përmbytin çadrat e familjeve të prekura nga tërmeti

Tërmeti me amplitudë 6.4 të shkallës Rihter që preku Shqipërinë mëngjesin e 26 nëntorit, ku humbën jetën 46 persona dhe u plagosën qindra të tjerë, ka lënë në qiell të hapur mijëra familje.

Në këto kushte ata janë vendosur në çadra strehimi që janë vendosur nga bashkitë e qyteteve përkatëse. Ashtu sikurse ishte parashikuar, në këto momente në qytetin e Laçit kanë nisur reshje të dendura të shiut.

Uji ka depërtuar nën çadra dhe banorëve po ju lagen rrobat dhe dyshekët, pasi sasia e ujit është përhapur në të gjithë hapësirën e çadrave.