Propozimi i Ambasadës Amerikane për Kushtetuesen, vjen reagimi urgjent i Presidencës: Mjaft me ‘Rule of Embassy’!

Pas propozimit që bëri Ambasada Amerikane në lidhje me përplasjen e krijuar në Gjykatën Kushtetuese, ku ofroi si zgjidhje dërgimin e çështjes në Komisionin e Venecias, ka ardhur dhe reagimi i zëdhënësit të Presidencës, Tedi Blushi.

“Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit.

Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës.
Mjaft më “Rule of Embassy”. Është koha për “Rule of Laë” si çdo vend demokratik.
Rruga e Elbasanit të çon në Elbasan dhe Rama e përdor dhe për në Xibrakë!
Rruga e Kavajës të çon në Kavajë!
Vetëm rruga e Kushtetutës na çon në Europën e Bashkuar!”, shkruan Tedi Blushi.