LIGJET E BIZNESIT
Gazetari Blendi Fevziu babai i dy vajzave, i pyetur në mjaft intervista ka theksuar se të ardhmen e tyre e sheh jashtë Shqipërisë.
Së fundmi ai ka publikuar edhe librin e tij të fundit “Tirona e Nonës”, një libër kushtuar vajzave të tij Alis dhe Mishel.
“Ky libër është një borxh nga ata që njeriu duhet ta kthejë në jetë” shkruan Fevziu në parathënien e botimit të tij, për të cilin thotë se nuk është roman, as kujtime të tijat të fëmijërisë, por qëmtime të kujdesshme të dokumenteve dhe historisë së familjes së vet, bazuar në tre personazhe të rëndësishme, që kanë lënë gjurmë në rritjen e gazetarit.
Konfirminin për largimin e vajzave të tij nga Shqipëria, e jep në pjesën e rrëfimit të librit kur flet për gjyshen e vet nga mamaja, Lisin, e arratisur nga Shqipëria drejt Shteteve të Bashkuara të Amerikës.
Mamaja e Fevziut me nënën e vet Lisin, nuk u takuan derisa erdhi demokracia. Kujton në libër një bisedë të tij me Nonën, (stërgjyshen e vet) me të cilën Blendi Fevziu jetoi derisa vdiq.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shkruan Fevziu në libër:
‘’Nona nuk tregonte asgjë për ikjen e saj. Ishte e ngrysur dhe sa herë dikush në shtëpi përmendtte Lisin ajo shtonte: S’pate fat të kishe le (lindur) dhe ti në Amerikë.
Një ditë tjetër, ndërsa rrinim në ballkon, natën vonë, unë 13 vjeç dhe ajo 79, më tha me inat:
-Po u hap dhe një shteg ikni të gjithë në Amerikë, mos rrini këtu. Ia kam thënë edhe sat ëme (Rezanës).
Pas vitit 1990, kur të gjithë nisën të iknin e kam kujtuar disa herë fjalën e saj. Nuk e di nëse bëra mirë apo keq që s’e dëgjova, por nëse sot do t’u thosha diçka vajzave, do të përsërisja identik fjalët e saj. Në shtëpi më kishin thënë që Lisi iku me lejen e shtetit shqiptar për një vizitë jashtë, herë të tjera më thoshin për të mbaruar studimet. Më sqaronin se në vitet e para këto gjëra ndodhnin dhe se kufijtë u mbyllën krejtësisht hermetikë, sic ishin tani, pas vitit 1960. (PJESË NGA LIBRI).
Libri “Tirana e Nonës” është një libër që ngjall kuriozitet, përpiqesh të mësosh sa më shpejt fatin e personazheve të tij, që në fakt kanë qenë njerëz realë. Histori mes intrigash, pushtetesh, largimesh, përplasje dhe përndjekjesh, dhe më në fund, histori e dinastive të familjeve të njohura tiranase, ashtu siç kanë qenë pothuajse përgjatë shekullit të kaluar dhe më parë, që nga koha e Turqisë, ashtu siç sheh në rreshtat e librit.
