Aksident i rëndë në Tiranë, urbani përplas 2 këmbësore

Një ngjarje e rëndë është regjistruar vetëm pak çaste më parë në bulevardin “Zogu i Parë” në Tiranë. Një urban i linjës së Tiranës së re ka përplasur dy këmbësore që ishin duke kaluar rrugë.

Bëhet me dije se është shoqëruar në komisariat shoferi i autobusit urban me inicialet A.M.

Si pasojë e përplasjes, janë dëmtuar dy këmbësoret, njëra prej të cilave e identifikuar me inicialet K.N, ndërsa këmbësorja tjetër ende nuk është identifikuar.

“Grupi hetimor ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit, si dhe identifikimin  e njërës nga shtetaset të aksidentuar”, thotë policia në një njoftim paraprak për mediat.