Vrasja e Santiago Malkos mund të ketë pasur si shkak konfliktet në biznesin e lojërave të fatit.
Megjithëse lojërat e fatit janë mbyllur tashmë me vendim të qeverisë, aktiviteti vijon ende në fshehtësi dhe mesa duket prodhon edhe viktima. Kjo është pista kryesore ku sipas burimeve për “Ora News” për përqendruar Prokuroria.
Kujtojmë se ish-polici Santiago Malko ka qenë edhe më parë i angazhuar me baste sportive, përpara se ky aktivitet të shpallej i paligjshëm në vendin tonë.
Burime nga Prokuroria për “Rtv Ora” thonë se emri i tij nuk rezulton të jetë i skeduar apo ti jetë referuar ndonjëherë organit të akuzës për vëzhgim apo ndjekje si dyshuar për ngjarje kriminale.
Madje shtohet se roli i tij në ngjarjen e ish-Bllokut nuk ishte aktiv, pra ai ka rezultuar vetëm i pranishëm në të, gjë për të cilën 26-vjeçari ka dhënë sqarime dhe më pas është lënë i lirë.
