SKANDAL në mes të plazhit, si kërkojnë para dy vajzat mashtruese në emër të bamirësisë

Jo rrallëherë jemi hasur me skena ku persona të ndryshëm abuzojnë duke kërkuar para në emer të bamirësisë.

Edhe pse ky fenomen është denoncuar disa herë, vijon të ndodhë hapur edhe në mes të ditës.

Rasti më i fundit vjen nga plazhi i “Gjirit të Lalzit” në Durrës ku ashtu si dallohet edhe nga fotot, dy vajza kërkojnë para në emër  të një fondacioni fantazëm.

Denoncimi ka ardhur nga një qytetar i cili ka dërguar fotot në redaksinë e Fast News Albania, ku shkruan se këto dy vajza abuzojnë hapur në emër të bamirësisë dhe nuk janë përfaqësuese të asnjë organizate.

Ato ju kërkojnë para pushuesve, dhe nuk disponojnë asnjë dokument ligjor dhe për shumat e marra nuk japin asnjë faturë dhe nuk deklarojnë se ku do të shkojnë këto para.

Ky është një abuzim i hapur që u bëhet qytetarëve, të cilët shpeshherë japin para, pa ditur se ku do të shkojnë këto shuma, duke menduar se bëjnë kështu një të mirë për njerëzit në nevojë, pa ditur se e vetmja ndihmë shkon në xhepat e abuzuesve të rradhës, të cilët mbushin llogaritë e tyre në emër të njerëzve të varfër.

Organet kompetente duhet të veprojnë sa më shpejt, përndryshe fenomene të tilla nuk do të ndalen dhe do të vijojnë të përhapen me shpejtësi.