Një aksident i rëndë ka ndodhur mëngjesin e sotëm në vendin e quajtur “Fermë e Çlirimit” në Seman të Fierit.
Mësohet se një makinë tip “Fuoristradë” ka përplasur për vdekje një 16-vjeçar, i cili po udhëtonte me motocikletë, në momentin që është goditur nga automjeti.
Sipas burimeve nga vendngjarja, drejtuesi i automjetit ka braktisur makinën, pasi ka aksidentuar për vdekje këmbësorin.
Sakaq policia ka mbërritur në vendin e ngjarjes për të zbuluar shkaqet e këtij aksidenti, si edhe identifikimin e autorit.
