LIGJET E BIZNESIT
Vijojnë të dalin detaje të reja nga ekzekutimi i ish-efektivit të policisë Santiago Malko, i cili mbeti i vrarë pas një atentati mafioz mbrëmjen e djeshme në rrugën “Xhanfize Keko” në Tiranë.
Mësohet se 26-vjeçari Santiago Malko është qëlluar nga autorët me kallashnikov dhe arma më pas është gjetur nga grupi hetimor në një mjet që u dogj pak orë pas vrasjes në fshatin Ferraj.
Policia ka shoqëruar 10 persona për ti marrë në pyetje rreth ngjarjes dhe më pas i ka lënë të lirë.
Në vendngjarje mësohet se janë gjetur 9 gëzhoja dhe gjithashtu janë sekuestruar dhe kamerat e sigurisë së biznese pranë zonës.
Policia ka identifikuar dhe një prej personave që dyshohet se mori pjesë në atentat, me inicialet D.A, i cili është shpallur në kërkim.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
DINAMIKA E VRASJES
Malko po ndiqej nga një furgon i bardhë dhe një mjet tjetër Mercedes Benz, të cilët kanë hapur zjarr nga zona e ‘Xhamllikut’ e deri në Kinostudio ku dhe u vra. Pasi janë siguruar që e kanë vrarë 26 vjeçarin, atentatorët, të cilët kanë qenë disa, janë larguar me shpejtësi nga vendngjarja në rrugën ‘Xhanfize Keko’ në drejtim të Freskut.
Santiago Malko në pas të shtënave ka humbur kontrollin e mjetit dhe është përplasur me murin e një banese, ndërsa ka tentuar të nxjerr dhe një pistoletë që kishte me vete për t’ju përgjigjur atentatorve, por nuk ka mundur.
26 vjeçari është gjetur i pajetë brenda makinës së tij BMW X5, ndërsa policia sapo ka marrë informacion ka shkuar në vendin ku u qëllua Malko, ndërsa një patrullë tjetër u është vënë pas atentatorëve, makina e të cilëve është gjetur e djegur në fshatin Ferraj, në periferi të Tiranës.
Brenda kësaj makine u gjet edhe arma e krimit, që dyshohet se u përket autorëve.
