Kryeministri Rama, dje në vazhdën e publikimit të qëndrimit të aktorëve dhe regjisorëve që janë pro shembjes së teatrit, citoi aktoren kosovare, Ilirie Vinca.
Ilire Vinca është anëtare e Këshillit Drejtues të Teatrit Kombëtar të Kosovës. Sipas Ramës, aktorja thotë se një teatër i ri do të ishte freski për audiencës, ndërsa uron që të bëhet sa më shpejt.
Por vetë aktorja, shkruan në postimin e Kryeministrit Rama se mendimin nuk e kishte dhënë për Teatrin Kombëtar, duke shprehur keqardhje dhe përgënjeshtruar kreun e qeverisë dhe një spekulim i tillë është hera e dytë që i ndodh.
“I nderuar Kryeministër Rama, më vjen shumë keq, por me duhet ‘ju informoj që këtë mendim, nuk e kam dhënë për Teatrin Kombëtar. Është hera e dytë qe po ndodh ky keqkuptim, ndaj më duhet të sqarohem. Ju falemnderit”, shkruan aktorja.
