LIGJET E BIZNESIT
Komisioni i Pavarur i Kualifikimit ka konfirmuar në detyrë prokurorin Olsian Çela.
Pas senacës dëgjimore, Komisioni i Pavarur i Kualifikimit ka dhënë vendimin këtë të martë duke e konfirmuar në detyrë Çelën.
Olsian Çela rezultoi i përshtatshëm në të tre komponentët e vlerësimit nga KPK për vijimin e detyrës. Çela ka një karrierë të gjatë në Prokurorinë e Krimeve të Rënda, ndërsa e ka drejtuar atë në vitet 2008-2012.
Kandidat për prokuror të Përgjithshëm janë 4, bashkë me Çelën. Arta Marku, prokurore e përkohshme, që kërkon një mandat të plotë kushtetues, Fatjona Memçaj, prokurore e Apelit dhe avokati Lulzim Allushaj.
Olsian Cela është rivali kryesor i Arta Markut në garën për Prokuror të Përgjithshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Vendimi i parë që pritet të marrë Këshilli i Lartë i Prokurorisë pas konstituimit do të jetë zgjedhja e Prokurorit të Përgjithshëm me mandat të plotë 7-vjeçar.
Pas zgjedhjes, KLP i liston kandidatët sipas pikëzimit.
Kryeprokurori zgjidhet me 3/5 e votave në Kuvend dhe ka një mandat 7 vjeçar, pa të drejtë riemërimi. Nëse Kuvendi nuk e zgjedh Prokurorin e Përgjithshëm brenda 30 ditëve, atëherë detyrën e merr kandidati i renditur i pari në listën e Këshillit të Lartë të Prokurorisë.
