LIGJET E BIZNESIT
Shtetet e Bashkuara të Amerikës kanë pezulluar përkohësisht intervistat për vizat emigruese në ambasadat dhe konsullatat amerikane në vende të ndryshme të botës. Administrata e presidentit Donald Trump e ka bërë marrë këtë nismë si pjesë të masave të reja për forcimin e kontrolleve mbi emigracionin.
Departamenti amerikan i Shtetit ka konfirmuar pezullimin, duke e lidhur atë me një program të ri trajnimi për zyrtarët konsullorë. Sipas autoriteteve, synimi është që aplikantët për vizë të shqyrtohen në mënyrë më të detajuar dhe me kritere të njëjta, veçanërisht për sa i përket mundësisë që ata të mbështeten në përfitimet sociale në SHBA.
Masa ka nisur të zbatohet që në fillim të gushtit. Personat që kishin intervista të planifikuara janë njoftuar për anulimin ose shtyrjen e tyre dhe u është bërë e ditur se do të marrin një njoftim të ri sapo të përcaktohen datat e ardhshme. Deri tani, Departamenti i Shtetit nuk ka përcaktuar një afat konkret për rikthimin e intervistave.
Në qendër të politikës së re është kriteri “public charge”, i cili u lejon autoriteteve amerikane të refuzojnë një vizë nëse arrijnë në përfundimin se aplikanti mund të bëhet i varur nga ndihmat publike pas mbërritjes në SHBA.
Departamenti i Shtetit thotë se po rishikon procedurat e vlerësimit për t’u siguruar që emigrantët të kenë kapacitetin financiar për të mbështetur veten. Në fillim të gushtit, institucioni njoftoi edhe një program pilot përmes të cilit, për kategori të caktuara aplikantësh, mund të kërkohet një garanci financiare (“Public Charge Bond”) si kusht për procesin e vizës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
