LIGJET E BIZNESIT
Përmirësohet situata energjetike në vend. Të dhënat e fundit të Institutit të Statistikave flasin për një rritje të prodhimit të energjisë nga hidrocentralet publikë e privatë, si dhe nga burimet e tjera, si fotovoltaikët. Kjo rritje prodhimi është shoqëruar me shtim të eksporteve të energjisë dhe ulje të importeve, cka ëhstë reflektuar në bilancin e shkmëbimeve.
INSTAT raporton se gjatë tremujorit të dytë të vitit 2026, energjia në dispozicion u rrit me 5,1 %, krahasuar me të njëjtën periudhë të vitit të mëparshëm.
Prodhimi neto vendas i energjisë elektrike, në këtë periudhë, u rrit me 34,4 %, duke arritur në 2.361 GWh, nga 1.757 GWh në tremujorin e dytë të vitit 2025.
Ky prodhim u realizua në masën 42,8 % nga hidrocentralet publike, 38,2 % nga hidrocentralet private dhe koncesionare dhe 19,0 % nga prodhuesit e tjerë. Importi bruto i energjisë elektrike, përfshirë shkëmbimet (energji në marrje), në tremujorin e dytë të vitit 2026, arriti në 569 GWh, nga 725 GWh në të njëjtën periudhë të vitit 2025, duke shënuar një ulje prej 21,5 %.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Eksporti bruto i energjisë elektrike, përfshirë shkëmbimet (energji në dhënie), në tremujorin e dytë të vitit 2026, arriti në 991 GWh, nga 638 GWh në të njëjtën periudhë të vitit 2025, duke shënuar një rritje prej 55,4 %.
