LIGJET E BIZNESIT
Platforma X po ndryshon mënyrën se si paguan krijuesit e përmbajtjes. Kompania do të mbyllë programin aktual të ndarjes së të ardhurave dhe do ta zëvendësojë me një skemë të re të quajtur “Original Content Rewards”.
X nuk do të pranojë më pjesëmarrës të rinj në programin ekzistues, ndërsa krijuesit aktualë do të vazhdojnë të fitojnë deri më 7 shtator. Nga 8 shtatori, ata mund të aplikojnë në skemën e re.
Për t’u kualifikuar, krijuesit duhet:
- të jenë abonentë në një nga paketat Premium të X;
- të kenë të paktën 500 ndjekës të verifikuar;
- të kenë siguruar 500 mijë shikime në faqen kryesore nga përdorues të verifikuar gjatë 90 ditëve të fundit.
Programi i ri do të përqendrohet te origjinaliteti. Përmbajtje e pranueshme do të konsiderohen raportimet dhe analizat origjinale, fotografitë dhe videot e realizuara nga vetë përdoruesi, si dhe memet apo materialet grafike të krijuara prej tij. Edhe komentet mbi materiale të të tjerëve mund të kualifikohen, por vetëm nëse shtojnë vlerë të dukshme dhe origjinale.
Postimet e kopjuara, materialet e shkarkuara nga një llogari dhe të publikuara sërish, si dhe ripostimet pa ndryshime domethënëse nuk do të shpërblehen.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
X pranoi se programi i mëparshëm kishte krijuar stimuj të gabuar, duke nxitur disa llogari të maksimizonin pagesat përmes materialeve të grumbulluara ose titujve “clickbait”. Sipas kompanisë, skema e re synon t’i motivojë krijuesit të sjellin përmbajtje të re në platformë, në vend që të fokusohen vetëm te rritja e të ardhurave./TECH CRUNCH
