Nga Fatima Gorezi – Turizmi i jahteve në Shqipëri po kalon nga një sferë e panjohur në një segment me rëndësi strategjike. Ndërsa vendi po fiton vëmendje ndërkombëtare si destinacion turistik, Riviera shqiptare po hyn edhe në hartën e lundrimit mesdhetar, duke tërhequr turistë me kapacitet të lartë shpenzimi që kërkojnë përvoja private, ekskluzive dhe larg destinacioneve të mbingarkuara. Por pas imazhit luksoz të jahteve, fshihet një industri komplekse që kërkon infrastrukturë moderne, standarde ndërkombëtare, siguri ligjore dhe shërbime të nivelit të lartë.
Një treg në formim
“Kemi parë një rritje të madhe të interesit për charter në Shqipëri gjatë viteve të fundit, sidomos nga klientë ndërkombëtarë,” thotë Egli Hoxha, themelues i Yacht in Albania. “Gjithnjë e më shumë klientë po konsiderojnë rivierën shqiptare si alternativë ndaj destinacioneve tradicionale si Greqia, Mali i Zi apo Kroacia.”/Business Mag








