LIGJET E BIZNESIT
Autoriteti i Aviacionit Civil ka njoftuar vendosjen e një kufizimi të përkohshëm të fluturimeve mbi zonën e Pallatit të Kongreseve në Tiranë, në kuadër të aktiviteteve për festimin e Ditës së Pavarësisë së Shteteve të Bashkuara të Amerikës.
Sipas njoftimit zyrtar, kufizimi do të jetë në fuqi më 17 qershor 2026, nga ora 18:00 deri në orën 21:00 sipas orës lokale, me kërkesë të autoriteteve përgjegjëse të sigurisë dhe në bashkëpunim me Albcontrol.
Zona e kufizimit përfshin një rreze prej 150 metrash nga qendra e Pallatit të Kongreseve dhe një lartësi deri në 120 metra mbi nivelin e detit. Ky kufizim do të publikohet përmes NOTAM-it përkatës.
Gjatë kësaj periudhe, operimi i mjeteve ajrore pa pilot (dronë) në zonën e përcaktuar nuk do të lejohet.
Autoriteti i Aviacionit Civil u ka bërë thirrje mediave dhe operatorëve të dronëve që të marrin masat e nevojshme për të shmangur planifikimin ose kryerjen e fluturimeve gjatë orarit të kufizimit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas institucionit, masa synon garantimin e sigurisë gjatë zhvillimit të aktiviteteve festive dhe koordinimin e hapësirës ajrore në zonën përkatëse.
Autoriteti i Aviacionit Civil ka bërë të ditur se mbetet në dispozicion për çdo sqarim të mëtejshëm lidhur me zbatimin e kufizimeve të përkohshme.
