Ish-ministri e thotë hapur: Ja kë do të emerojë Rilindja në vend të Arben Malajt në Bankën e Shqipërisë (EMRI)

Ish-ministri i Drejtësisë Ylli Manjani është shprehur se pasi Partia Socialiste të shkarkojë Arben Malajn nga Banka e Shqipërisë në vend të tij do të emërohet Arben Keshi.

“Rilindja do të shkarkojë Arben Malajn nga Banka e Shtetit, por do emërojë Arben Keshin. Mbiemri përputhet me vendin e punës…” , shkruan Manjani në rrjetet sociale.

Kujtojmë se PS kërkoi shkarkimin e Arben Malajt si anëtar të Këshillit Mbikëqyrës të Bankës së Shqipërisë.

Motivi i këtij vendimi sipas socialistëve janë shkeljet etike që ka kryer ai në daljet publike dhe për këtë arsye nuk mund të jetë më pjesë e Bankës.

Arben Malaj reagoi menjëherë pas këtij vendimi duke u shprehur se ishte një vendim i pastër politik dhe zbuloi se ishte kërcënuar edhe nga kreu i grupit parlamentar të PS Taulant Balla.