LIGJET E BIZNESIT
Bordi i Transparencës ka vendosur uljen e çmimeve të karburanteve në mbledhjen e zhvilluar më 15 prill 2026, duke reflektuar luhatjet në tregjet ndërkombëtare.
Sipas vendimit, çmimi maksimal i shitjes me pakicë për gazoilin e standardit SSH EN 590 është caktuar në 207 lekë për litër, ndërsa ai me shumicë në 195 lekë për litër. Ndërkohë, për benzinën çmimi maksimal në pakicë do të jetë 174 lekë për litër dhe 162 lekë për litër në shumicë.
Çmimet e reja kanë hyrë në fuqi sot, më 15 prill, në orën 13:30 dhe do të mbeten të vlefshme deri në mbledhjen e ardhshme të Bordit.
Autoritetet u bëjnë thirrje operatorëve të tregtimit të nënprodukteve të naftës të zbatojnë me përpikëri këtë vendim, duke paralajmëruar masa të rrepta në rast shkeljesh, deri në pezullim të aktivitetit.
Ministria e Ekonomisë dhe Inovacionit, së bashku me Ministrinë e Financave dhe Ministrinë e Infrastrukturës dhe Energjisë, ritheksojnë angazhimin për mbrojtjen e konsumatorëve dhe garantimin e konkurrencës së ndershme në treg.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në një sqarim shtesë, bëhet e ditur se çmimet aktuale janë nën kufijtë e përcaktuar nga Akti Normativ nr. 1, datë 3 prill 2026, çka nënkupton se niveli i akcizës do të vijojë të zbatohet i plotë, në masën 100%.
