Aksident fatal në Vorë, ndërron jetë pasagjerja e furgonit

Në rrugën dytësore Tiranë-Vorë është regjistruar një aksident i rëndë pak minuta më parë. Mësohet se si pasojë e përplasjes me bordurën e rrugës të një furgoni që shërbente për transport mallrash, një person ka humbur jetën.

Nuk është bërë ende i mundur identifikimi i viktimës edhe si pasojë e dëmtimeve të rënda të shkaktuara, ndërsa drejtuesi 28 vjeçar i mjetit ndodhet në spital në gjendje kritike për jetën.

Grupi hetimor po vijon punën për zbardhjen e rrethanave të aksidentit.