Ligji “Për Kontrollet Zyrtare” në konsultim publik, synohet reformimi i plotë i sigurisë ushqimore

Qeveria synon të ndërmarrë një reformë të plotë ligjore në administrimin e sigurisë ushqimore në vend. Ky institucion sapo ka hedhur në konsultim publik ligjin e ri “Për Kontrollet zyrtare”.

Drafti me 119 nene  përcakton rregullat e përgjithshme dhe parimet e kërkesat që lidhen me kontrollet zyrtare dhe aktivitetet e tjera zyrtare dhe përcakton përgjegjësitë përkatëse për të garantuar një nivel të lartë të mbrojtjes së shëndetit të njerëzve, kafshëve dhe bimëve.

Ligji është përafruar pjesërisht me rregulloren përkatëse të Bashkimit Europian. Risi për draftin janë edhe dy nene të posacme, pikërisht nenet 95 dhe 96 të cilat parashikojnë që autoritetet kompetente shqiptare të kontrollohen rregullisht nga ekspertët e Komisionit Evropian për punën që bëjnë për verifikimin e funksionimit të sistemeve kombëtare të kontrollit, për situatat emergjente, dhe për mbledhjen e të dhënave. Me ligj parashikohet që autoritetet vendase të ofrojnë ndihmë të plotë për të siguruar kontrollet e ekspertëve të Komisionit Evropian.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern