LIGJET E BIZNESIT
Qeveria do të përdorë Inteligjenën Artificiale edhe në bujqësi. Bëhet fjalë për një projekt që do të zbatohet në fazën e prodhimit bujqësor, me qëllim mbrojtjen e tij nga ndryshimet klimaterike, por jo vetën. Edhe për të ndihmuar hartimin e politikave të duhura në bujqësi. Lajmin e ka bërë të ditur Romina Kostani, drejtore në Drejtorinë e Koordinimit të Agjendës Digjitale dhe Projekteve e-Gov me Fonde të Huaja në AKSHI.
“Në bujqësi ne kemi një projekt konkret, që do të jetë në fakt një pilotim përsa i përket pjesës së identifikimit të të korrave, cilësisë së tyre, sasisë, duke marrë parasysh dhe duke analizuar me Inteligjencë Artificiale kushtet e motit, kushtet dhe statistikat e 5 viteve të fundit, imazhe satelitore. Të gjitha këto do të agregohen në një model Inteligjence Artificiale, i cili do të na bëjë të mundur, jo vetëm ne si administratë publike për hartimin e politikave ndërhyrëse dhe parashikuese, por edhe vetë fermerët që të marrin masat në kohën e duhur”, shpjegon Kostani.
Ndryshimet klimaterike dhe mungesa e orientimit të fermerëve në prodhimet që duhet të kultivojnë konsidreohen ndër problemet kryesore të bujqësisë shqiptare.
