LIGJET E BIZNESIT
Pas uljes së cmimit të energjisë me 1 lek për abonentët familjarë që konsumojnë deri në 700 kilovat orë energji në muaj, edhe bizneset mund të përfitojnë nga një lehtësi e tillë. Zv.ministri i Infrastrukturës dhe Energjisë, Ceno Klosi ka deklaruar në emisionin A2 Business të gazetares Aurora Sulce po punohet edhe për uljen e cmimit të energjisë për bizneset në dy drejtime kryesore.
“Po punojmë për biznesin në dy aspekte: një është aspekti i krijimit të kushteve për investimet e bizneseve, të kapitaleve në sektorin energjetik për të krijuar biznes me prodhimin dhe tregtimin e energjisë si produkt, që do të jetë një produkt që do të ndikojë në buxhetin e shtetit dhe në investitorë që do të jenë në Shqipëri.
Nga ana tjetër, krijimi një tregu, krijimi i oportuniteteve të gjenerimeve me shumë burime, i tregtimit në treg të lirë, të cilat janë kushtet që ne po i krijojmë tani me standardet europiane pa asnjë lloj diference, do të bëjë të mundur që edhe bizneset të marrin një cmim energjie me një konkurrencë sa më të fortë dhe sa më të lirë. Kështu që në këtë mënyrë, duke krijuar këtë kusht, këtë treg të lirë energjie, mendojmë që edhe cmimi i energjisë që i shitet në tregun me pakicë biznesit të ketë reduktim në periudhat e ardhshme”, deklaroi zv.ministri Klosi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
