LIGJET E BIZNESIT
Nis sot në seancë plenare diskutimi i buxhetit 2025, draftit më të rëndësishëm të financave publike. Në agendë është parashikuar që diskutimet mbi buxhetin do të zgjasin dy ditë dhe pritet të flasin pjesa më e madhe e deputetëve të opozitës dhe mazhorancës, përfshi të gjithë ministrat e kabinetit Rama.
Pritet që opozita të bëjë ndryshime në ligjin e buxhetit, por nuk dihet se cili dotë jetë qëndrimi I mazhorancës në marrjen parasysh të tyre apo jo. Ndërkohë që ndryshime kanë kanë kërkuar edhe shoqatat e biznesit, që I kanë dërguar zyrtarisht Kuvendit një letër me propozimet e tyre.
Cfarë parashikon buxheti 2025?!
Buxheti i vitit të ardhshëm do të tejkalojë shifrën e 8 miliardë lekëve, niveli më i lartë në historinë e vendit. Ai do të jetë rreth 4 për qind më i lartë se buxheti i këtij viti dhe i rritur me mbi 20 për qind krahasuar me atë të vitit 2022.
Ministria e Financave planifikon që në vitin 2025, ekonomia të rritet me 3.9% dhe kjo rritje të bazohet tek konsumi i brendshëm; investimet në infrastrukturë dhe ecuria e mirë e sektorit të turizmit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por sa para do të paguajmë vitin e ardhshëm?
Në buxhetin 2025 është parashikuar që të ardhurat të arrijmë në 754.6 miliardë lekë, me rritje 40.6 miliardë kundrejt buxhetit të rishikuar të këtij viti. Kjo është edhe shuma që do të paguajmë më shumë.
Po ku do të përdoren këto para?
Vitin e ardhshëm, qeveria ka parashikuar të shpenzojë më shumë, një praktikë që është ndjekur edhe në vitet e mëparshme, kryesisht kur ka pasur zgjedhje. Në buxhetin 2025, shpenzimet janë parashikuar të arrijnë në total në 822.7 miliardë lekë, me rritje 51.4 miliardë kundrejt buxhetit të rishikuar të këtij viti.
Por cilët janë prioritet e buxhetit të vitit të ardhshëm?
Bazuar në fondet që do të jepen, dy janë shtyllat kryesore: investimet në infrastructure dhe rritja e pagave të administratës vendore. Ndërkohë që nuk parashikohen fonde për rritjen e pensioneve, pavarësisht se kryeministri e ka kthyer kompensimin e pensionistëve në cështjen kryesore të debatit publik.
