Profesionet e lira, demokratët propozojnë ndryshime ligjore për kthimin e pagesave

Opozita ka sjellë në Kuvend disa ndryshime në ligjin “Për tatimin mbi të ardhurat”. Propozimet janë bërë nga deputetët demokratë Gazment Bardhi dhe Jorida Tabaku. Nëpërmjet këtyre ndryshimeve synohet që t’u kthehen pagesat e bëra nga tatimpaguesit (profesionet e lira) për tatimin e thjeshtuar mbi fitimin, pasi Gjykata Kushtetuese mori vendim për t’i përjashtuar nga këto detyrime deri në vitin 2029.

Gjithashtu, propozimi i demokratëve parashikon që brenda 30 ditëve nga vendimi i Gjykatës Kushtetuese, administrata tatimore të fshijë nga sistemi detyrimin tatimor se bashku me kamatevonesat.