Hendeku gjinor në paga pasqyrohet më pas edhe tek pensionet. Të dhënat e Institutit të Sigurimeve Shoqërore tregojnë se masa mesatare mujore e një pensionisti për gjininë mashkullore është 16.292 lekë në muaj, ndërsa masa mesatare mujore për gjininë femërore është 13.247 lekë në muaj. Pra, gratë në pension marrin 3.045 lekë më pas sesa burrat.
Për të dy gjinitë se bashku, pensioni mesatar llogaritet në 15.315 lekë në muaj, apo rreth 1/3 e pagës minimale në shkallë vendi.
Hendeku gjinor i pensioneve është rrjedhojë e hendekut të pagave midis dy gjinive. Duke qenë se pensioni llogaritet në bazë të kontributeve të derdhura mbi pagën, sa më e ulët të ketë qenë ajo, aq më e vogël është vlera e përfituar.
Sipas të dhënave të Institutit të Statistikave, hendeku gjinor në paga është 6.2%. Pra, e thënë ndryshe meshkujt kanë një pagë mesatare mujore bruto 6.2% më të lartë sesa femrat. Krahasuar me vitin 2021, vihet re një rritje e hendekut gjinor në paga me 1.7 pikë përqindje. Aktualisht mosha e daljes në pension për meshkujt është 65.1 vjeç, ndërsa për femrat 61.7 vjeç.
