Për herë të parë, Apple bëhet lider në tregun e smartfonëve në Kinë

Për herë të parë, në vitin 2023, Apple u bë lider në tregun e celularëve të zgjuar në Kinë. Kompania amerikane ia doli të jetë lider pavarësisht konkurrencës së fortë të operatorëve të Pekinit por edhe rregullave të rrepta të vendosura për punonjësit e disa agjencive qeveritare.

Kompania Cupertino ishte përgjegjëse për 19% të dërgesave, bazuar në vlerësimet e kompanisë së specializuar Canalys, pavarësisht vështirësive serioze në vitin 2022 për shkak të bllokimit të prodhimit në Kinë për shkak të politikës “tolerancë zero” për Covid-19.

Pas Apple qëndronin tre prodhues vendas, Vivo, Oppo dhe Honor, të gjithë me 16% të tregut.

Më konkretisht, Apple e mbylli vitin 2023 duke zënë 24% të pjesës së tregut, në një sektor që në Kinë pati dërgesat e përgjithshme të smartfonëve në vit që arrinin në 271.5 milionë njësi (-5%).

Për më tepër, 2023 solli edhe “rilindjen” e Huawei-t, gjiganti i teknologjisë që u përball me sanksione të ashpra nga SHBA, për shkak të akuzave se celularët dhe pajisjet e tij mund të përdoren për spiunazh nga Pekini.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern