Borxhlinjtë e dritave, 1.4 miliardë lekë kamatvonesat e energjisë

Vlera e kamatvonesave në faturat e energjisë elektrike arriti vitin e kaluar në 1.48 miliardë lekë. Shifra është bërë e ditur nga Enti Rregullator i Energjisë dhe rezulton 110 milionë lekë më shumë krahasuar ne 2022.

Të dhënat tregojnë se ndonëse është vlera e kamatvonesave, numri i faturave për të cilat është mbledhur kamatvonesa ka pësuar rënie të konsiderueshme. Në 2023 u regjistruan 1.8 milionë fatura të energjisë elektrike për të cilat është arkëtuar kamatvonesë ose thënë ndryshe 2.8 milionë me pak se në 2022.

Sipas kontratës që OSHEE ka nënshkruar me klientët e saj, afati i fundit për likujdimin e faturave, është dita e fundit e muajit pasardhës. Mospagimi i detyrimit mujor brenda afatit të përcaktuar, shoqërohet me një kamatëvonesë, që llogaritet në masën 0.1% e faturës totale, për çdo ditë vonesë.

Në rast se energjia e konsumuar vijon të mospaguhet, kontrata parashikon përshkallëzim të penaliteteve që shkojnë deri në ndërprerje të energjisë elektrike.