Tingëllon kundër intuitive, por marrëveshjet më fitimprurëse të biznesit që janë bërë ndonjëherë kanë qenë rezultat i drejtpërdrejtë i punës pa pagesë. Ju duket e pabesueshme? Ja pse funksionon strategjia dhe katër këshilla se si ta bëni punën pa pagesë për ju.
Pse të punosh falas?
Askush nuk dëshiron kurrë të ndihet sikur po humbasin burimin më të vlefshëm që kanë, kohën e tyre. Por, ajo që shumë njerëz nuk e kuptojnë është se, nëse keni besim në vlerën që mund të jepni, dhe duhet, mënyra më e mirë për të maksimizuar mundësinë tuaj, në planin afatgjatë, është të demonstroni se çfarë mund të bëni, edhe nëse ju kushton paraprakisht. Një klient i mirë, shef ose menaxher punësimi do të jetë mjaftueshëm i zgjuar për të kuptuar se sa vleni dhe ju shpërblen dhe nëse nuk e bëjnë, kjo tregon ju keni gjithçka që duhet të dini nëse ata do ta vlerësonin ndonjëherë vlerën tuaj dhe nëse janë klienti apo organizata e duhur për të punuar.
Mos e keqkuptoni. Ju mund të mendoni se po humbisni kohën tuaj. Por ky është qëndrim i gabuar. Edhe nëse nuk funksionon, ndiheni të sigurt se ia vlejti që rrezikuat. Nuk do të thotë të bëheni naiv dhe të hapni dyert. Bëni kujdesin tuaj të duhur dhe sigurohuni që pala tjetër të jetë e besueshme dhe etike dhe të jeni te sigurt se, të dëshmoni veten se jeni dikush që mund të krijojë vlera është pjesa e vështirë. Pasi ta bëni këtë, marrja e pagesës është e lehtë. Është një strategji që e quajnë “ndihmo tani, fito më vonë” dhe është sekreti për të gjetur punë, klientë për të cilët mund të ëndërroni.
Çfarë do të thotë të japësh vlerë në fillim?
Dhënia dhe shpërndarja, së pari u tregon njerëzve se keni ndërmend t’u shërbeni atyre. Kjo ndërton besueshmërinë dhe barazinë, i jep dikujt mundësinë t’ju njohë dhe formon një marrëdhënie. Ai vendos besimin, i cili është monedha e biznesit në të gjithë botën.
Në fund, ju arrini shpërblime shumë më të mëdha se sa do të merrnit, nëse këmbëngulni të zyrtarizoni një marrëdhënie me pagesën paraprake. Çfarëdo që dikush do të kishte besuar se ia vlente, shumëfishohet sapo t’ju shikojë në veprim. Po, mund të jetë një rrezik, por është lloji i rrezikut që të gjithë duhet të jeni të etur të merrni për të niveluar jetën tuaj profesionale.
Si mund të krijoni atë lloj vlere që i bën njerëzit të etur për t’ju shpërblyer në fund? Ja ku janë katër parime për t’ju udhëhequr:
- Njihni pikat tuaja të forta
Çfarë mund të bëni ju që të tjerët nuk munden? Çfarë dyersh mund të hapni për personin, ose organizatën që kërkoni të ndihmoni? Çfarë mungon në biznesin e tyre tani, dhe pse jeni ju personi i duhur për të mbushur atë boshllëk?
- Bëhu i pari
Të jeni i pari që t’i tregoni një klienti të mundshëm një qytet të ri, ose t’i prezantoni me një ngjarje, ose përvojë të re. Ata nuk kanë me çfarë t’a krahasojnë atë dhe ka shumë mundësi që ata kurrë nuk do t’a harrojnë vizitën e tyre të parë. Në të njëjtën linjë, ji i pari që hap sytë e dikujt ndaj një mundësie të re, një ideje të re biznesi, ose një mënyrë të re për të arritur një audiencë dhe do t’a zotërosh atë kanal në mendjen e tyre dhe në fund do të shpërblehet.
- Shisni vizionin tuaj
Nuk ka rëndësi se sa e mirë është ideja juaj nëse pala tjetër nuk e kupton vlerën e saj. Cilido qoftë vizioni juaj unik për botën, nëse mund t’a artikuloni atë tek klientët dhe punëdhënësit e mundshëm, ju mund t’i hapni sytë ndaj asaj që shihni dhe të krijoni mundësi të jashtëzakonshme për veten tuaj në këtë proces.
- Parashikoni nevojat
Krijuesit e vlerave dinë të parashikojnë nevojat. Nëse parashikoni nevojat e klientit tuaj, ju sillni një vlerë të madhe. Kjo kërkon të jesh një vëzhgues aktiv dhe të vëresh se çfarë u mungon të tjerëve. Ju duhet të jeni një zgjidhës i problemeve me durim dhe proaktiv. Ju duhet ta vendosni veten në vendin e objektivit tuaj dhe t’a befasoni atë në çdo hap të rrugës.
Me këto këshilla në mendje, ju mund të krijoni vlera të papritura dhe të demonstroni vlerën tuaj në mënyra shumë përtej asaj që mund të provojë ndonjëherë një propozim i thjeshtë biznesi. entrepreneur.com
