Ndikuar nga situata financiare e familjes, rreth 74 e qytetarëve shqiptarë kanë aq lekë sa për të mbyllur muajin. Ky është një nga gjetjet e prezantuara në studimin e kryer nga Shoqata e Mikrofinancës Shqiptare.
“Një pjesë e tyre arrijnë të mbyllin shpenzimet kryesore mujore, ndërsa shumica, rreth 80% e tyre nuk arrijnë dot t’i mbyllin dot. Duhet pasur parasysh se bëhet fjalë për individë me të ardhura të vogla”, shprehet Besa Xhumani, përfaqësuese e Shoqatës së Mikrofinancës.
Sipas të njëjtit studim, 97% e qytetarëve që mendojnë si të mbyllin muajin, natyrshëm buxheti u shpërndahet në pagesat për energjinë, ushqimet, ujin apo dhe internetin.
Por në ato rastet kur fatura për të mbuluar shpenzimet është më e madhe se gjendja e të ardhurave, në vend të borxhit tej të afërmit, zgjedhin të marrin një kredi.
“Qiraja, ushqimet, ndonjë ilaç nëse kanë sëmundje kronike. Për gjera të tjera duhet të mendohen. Të shikojnë mundësinë e të ardhurave dhe shpenzimeve që mund të bëjnë brenda muajit”, deklaron Xhumani.
Nëse do të bëjnë blerje apo jo në 12 muajt e ardhshëm shqiptarët janë treguar të rezervuar. Mbi 80% e të intervistuarve nuk kanë ndërmend investojnë për mobilie, makinë, pajisje elektronike apo të kryejnë rinovime të mëdha në shtëpi.
Por nëse ndalemi tek arsyet e kursimit, të gjithë do donin të kursenin për pushime. Për 70% të të intervistuarve dëshira për udhëtime qëndron përmbi kursimin për shkollë, ilaçe, makinë apo veshje.
Sipas studimit viti 2024 pritet një vit ku qytetarët shqiptarë do të tregohen të kujdesshëm për blerjet e mëdha pasi mbi 60% tregohen pesimistë për një rritje të të ardhurave./A2 CNN
