LIGJET E BIZNESIT
Transporti ajror është shndërruar në të preferuarin e shqiptarëve. Të dhënat e fundit të Institutit të Statistikave tregojnë se në tremujorin e katërt 2023, kanë udhëtuar me linja ajrore 1.890.085 pasagjerë. Krahasuar me të njëjtën periudhë të vitit 2022, ky tregues është rritur me 48,3 %.
Statistikat e detajuara tregojnë se në transportin ajror operojnë 20 shoqëri ajrore, nga këto 18 janë shoqëri të huaja dhe 2 janë shoqëri shqiptare. Gjatë tremujorit të katërt 2023, në hapësirën ajrore shqiptare kanë fluturuar 66.262 avionë, nga të cilët 79% të tyre e zë numri i mbikalimeve.
Volumi i mallrave (duke përfshirë postën) të hyrë dhe të dalë nëpërmjet transportit ajror rezultoi 515,4 ton, nga të cilat 76,0 % janë mallra të hyrë dhe 24,0 % janë mallra të dalë. Krahasuar me tremujorin e katërt 2022, volumi i mallrave paraqitet me ulje 12,0 %.
Në transportin ajror, mallrat e transportuara me postë zënë 13,2 % të volumit gjithsej të mallrave të transportuar me ajër. Krahasuar me tremujorin e katërt 2022, volumi i mallrave të transportuara me postë paraqitet me ulje 23,2 %.
