Analizë nga Aurora Sulce, drejtuese e Fast News Economy
Partia Socialiste zhvilloi një ditë më parë Kongresin, ku ka pasur edhe panele të dedikuara për ekonominë. Por cilat kanë qenë zhvillimet kryesore në ekonomi gjatë këtij viti?
Kriza e çmimeve që goditi qytetarët dhe bizneset, pas luftës në Ukrainë. Një përkeqësim i klimës së biznesit, ku rritjes së kostove nga inflacioni i lartë iu shtuan mungesa e fuqisë punëtore dhe zhvlerësimi i euros. Zhvillimi i tretë ka qenë mungesa e stimujve fiskalë nga ana e qeverisë për të ndihmuar në amortizimin e rritjes së cmimeve.
Por sa janë rritur çmimet?
Të dhënat tregojnë se inflacioni ka ardhur duke u zbutur muajt e fundit, por ende nuk është në një trakjektore të qartë rënëse. Ndërkohë që rritja e çmimeve të ushqimeve, për të cilat përdoret më shumë se 40% e buxheteve familjare është gati dyfish më i lartë se inflacioni i përgjithshëm. Kjo do të thotë se shtrenjtimit nuk i ka shpëtuar askush.
Por përveç qytetarëve, në një situatë të vështirë këtë vit janë gjendur dhe bizneset.
Shtrenjtimi i cmimeve ka cuar ne rritje te kostove te lendeve te para; nderkohe qe sipermarrja po perballet me mungesën e fuqisë punëtore dhe zhvlerësimin e euros, ndërsa korrupsioni vijon të mbetet ndër problemet kryesore.
Por cila ka qenë përgjigja e qeverisë ndaj një situate të tillë? Pak ditë më parë u miratua buxheti 2024, i cili presupozohet duhet të marrë në konsideratë këto shqetësime.
Në këtë draft parashikohet një rritje e ndjeshme e të ardhurave. Cka do të thotë se të gjithë ne do të paguajmë më shumë taksa e tatime. Një rritje të ndjeshme kanë edhe shpenzimet, kryesisht ato për paga. Rritja ekonomike parashikohet 3.8%, ndërkohë që qeveria zotohet të ulë nën 60% borxhin publik, niveli më i ulët që prej vitit 2011.
Por cfarë është prioritet në këtë buxhet?
Qeveria do te jape me shume para për rirtjen e pagave të administratës, duke synuar realizimin e premtimit të pagës 900 euro brenda 6 mujorit të parë të 2024-ës; rritje të fondeve do të ketë për sektorin e mbrojtjes dhe pushtetin vendor. Ndërkohë që më pak të financuar rezultojnë bujqësia dhe shëndetësia. Një pjesë e fondeve të kësaj të fundit do ti kalojnë arsimit, me ndryshimet që iu bënë buxhetit./A2 CNN
