Shtatori rikthen çmimet e larta, rritja më e ndjeshme te ushqimet, nafta dhe shërbimet arsimore

Shtatori ka nisur me një rritje të çmimeve, të shkaktuar nga çmimet më të larta të ushqimeve, karburanteve dhe shërbimeve arsimore. Instituti i Statistikave ka konstatuar se muajin e kaluar inflacioni arriti në 4.1%, me rritje 0.1% kundrejt gushtit. Ndërsa në të njëjtën periudhë të një viti më parë, ky tregues ishte në nivelin 8.1%.

Sipas të dhënave të detajuara, krahasuar me muajin shtator 2022, rritja më e madhe e çmimeve vërehet në grupin “Ushqime dhe pije joalkoolike” me 7,9 %, pasuar nga grupet “Mobile, pajisje shtëpie dhe mirëmbajtje e shtëpisë” me 5,4 %, “Argëtim dhe kulturë” me 4,9 %, “Hotele, kafene dhe restorante” me 4,7 %, “Veshje dhe këpucë” me 3,2 %, “Mallra dhe shërbime të ndryshme” me 3,1 %, “Pije alkoolike dhe duhan” me 3,0 %, “Shërbimi arsimor” me 2,3 %, “Qira, ujë, lëndë djegëse dhe energji” me 2,1 %, “Shëndeti” me 1,4 % dhe “Komunikimi” me 1,1 %.

Nga ana tjetër çmimet e grupit “Transporti” shënuan ulje me 7,2 %. Brenda grupit të ushqimeve çmimet e nëngrupit “zarzavate përfshirë patatet” u rritën me 24,1 %, pasuar nga nëngrupet “mish” me 9,4 %, “qumësht, djathë dhe vezë” me 8,3 %, “fruta” me 7,5 %, “peshk” me 4,2 %, “sheqer, reçel, mjaltë, çokollata dhe ëmbëlsira” me 3,3 %, “bukë dhe drithëra” me 2,1 %, etj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern