Investimi në letrat me vlerë të qeverisë, interesi i obligacioneve 15-vjeçare rritet në 7.3%

Investimi në letrat me vlerë afatgjata të qeverisë po rezulton i suksesshëm. Të dhënat e Bankës së Shqipërisë tregojnë se në ankandin e obligacioneve 15-vjeçare që u zhvillua këtë javë interesi arriti në 7.3%, nga 7.08% që kishte qenë në ankandin e mëparshëm, që ishte zhvilluar në muajin maj.

Kërkesat e paraqitura në ankand ishin ndjeshëm më të ulëta se shuma prej 1.5 miliardë lekësh, e shpallur për financim nga Ministria e Financave. Për momentin, një situatë e tillë nuk krijon shqetësime të mëdha për qeverinë, pasi buxheti rezuloi në fund të korrikutme një suficit prej më shumë se 45 miliardë lekësh.