LIGJET E BIZNESIT
Institucionet shtetërore kanë rritur borxhin ndaj bizneseve dhe inividëve. Sipas të dhënave të Ministrisë së Financave, në katër muajt e parë të këtij viti, detyrimet e prapambetura arritën vlerën e 14.9 miliardë lekëve, duke shënuar një rritje prej 20% kundrejt fundit të vitit të kaluar.
Kjo rritje e ndjeshme në këtë periudhë mund të shpjegohet me volume më të larta të investimeve të pushtetit qendror dhe atij lokal, në prag të zgjedhjeve lokale gjatë muajit prill.
Të dhënat e detajuara tregojnë se pjesa më e madhe e këtij borxhi të ri është krijuar nga investimet në infrastrukturë, që arritën në 6.3 miliardë lekë në fund të muajit prill me një zgjerim 39 % gjatë 4-mujorit.
Rritje kishte edhe zëri “Detyrime të tjera” i cili shënoi 8.6 miliardë lekë në fund të prillit 2023 duke u zgjeruar me 8.7 % në krahasim me fundin e vitit. Ky zë përfaqësohet me së shumti me detyrimet e pushtetit lokal.
Gjatë kësaj periudhe intensiteti i shpenzimeve kapitale të qeverisë ishte më i lartë se në të njëjtën periudhë të një viti më parë. Gjithashtu edhe bashkitë përqendruan shpenzimet para zgjedhjeve duke ndikuar në rritjen e detyrimeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
