Sipërfaqja e dhënë për ndërtim nga bashkitë ka pësuar këtë vit rënien e parë të ndjeshme në katër vitet e fundit. Sipas të dhënave të Institutit të Statistikave, në tremujorin e parë të këtij viti, janë miratuar gjithsej 429 leje ndërtimi për ndërtesa të reja, nga 397 leje të miratuara në tremujorin e parë 2022, duke shënuar një rritje prej 8.1 %.
Sipërfaqja e lejeve të ndërtimit miratuar për ndërtesa të reja, në tremujorin e parë 2023, është 415.842 m 2 , nga 1.031.088 m 2 miratuar në të njëjtën periudhë të një viti më parë, duke shënuar një ulje prej 59.7 %. Në tremujorin e parë 2023, vlera e përafërt e lejeve të ndërtimit miratuar për ndërtesa dhe punime inxhinierike është 21 miliardë lekë, nga 39 miliardë lekë miratuar në tremujorin e parë 2022, duke shënuar një ulje prej 46.3 %.
