Të huajt investojnë në Shqipëri, shqiptarët jashtë

Dukuria që ndodh në turizëm, ku të huajt vijnë në Shqipëri e shqiptarët pushojnë jashtë vendit po përsëritet edhe për investimet e huaja. Të dhënat nga Bilanci i Pagesave i Bankës së Shqipërisë tregojnë se gjatë vitit 2022, investimet shqiptare jashtë vendit shënuan vlerën më të lartë që prej vitit 2009.

Gjatë kësaj periudhe u investuan 166 milionë euro jashtë vendit nga kompanitë shqiptare, një shumë që vlerësohet 4 herë më e lartë se ajo e vitit 2021. E njëjta gjë ndodhi me investimet e huaja në Shqipëri, ku në vitin 2022 shënuan nivelin rekord të 1.3 miliardë eurove, kryesisht si pasojë e investimit në pasuri të patundshme.

Edhe pse vlera e investimit të shqiptarëve jashtë vendit është shumë e ulët kundrejt asaj të investuar nga kompanitë e huaja me vetëm 12% të tyre, sërish tregon për një tendencë.

Në pjesën dërrmuese, investimet shqiptare janë kanalizuar në kontribute direkte në kapitalin e shoqërive të kontrolluara jashtë vendit, qoftë nëpërmjet flukseve të reja të kapitalit apo fitimeve të riinvestuara. Një pjesë më e vogël e investimeve konsiston hua të dhëna për kompanitë bija jashtë vendit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern