LIGJET E BIZNESIT
Institucionet shtetërore po kryejnë gjithmonë e më shpesh tendera pa garë. Ndërsa në vitin 2021, 21% e fondeve prokuroheshin me vetëm një ofertë, vitin që lamë pas, kjo shifër u rrit ne 25% të totalit të tenderave.
Sipas të dhënave zyrtare nga sistemi i prokurimit elektronik, rezulton se numri i procedurave të prokurimit mbi 1 milion lekë, me një ofertë të dorëzuar dhe të finalizuara me njoftim fituesi është 1 645, nga totali prej 6 494 tenderësh që u zhvilluan përgjatë periudhës janar – dhjetor 2022.
Agjencia e Prokurimit Publik nuk ka bërë me dije fondin total që është prokuruar në këtë formë, ndërkohë që një vit më parë kjo shifër ishte 330 milionë euro apo 21% e fondit total të prokuruar. Realizimi i procedurave të prokurimit publik me vetëm një pjesëmarrës nuk është i ndaluar nga legjislacioni në fuqi, por gjithsesi ato përbëjnë arsye për ngritjen e flamujve të kuq, për shkak të mungesës së konkurrencës.
Ndërkohë që, sipas Open Data Albania, që ka në fokus monitorimin e procedurave tenderuese, shpesh këto procedura më shumë se mungesë konkurrence në treg shfaqin opsione të formulimit të kritereve dhe afateve për dorëzim dokumentesh në favor të një kompanie të paramenduar klienteliste, ndaj këto tendera meritojnë të konsiderohen të ekspozuara dhe me risk. Nga aan tjetër, mungesa e konkurrencës ul mundësitë e kursimit të parave publike, pasi vlerësimi i ofertës mbi çmimin më të favorshëm të ofruar është i pamundur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
