Individët dhe familjet kanë ulur investimet, një reagim i pritshëm përballë ngadalësimit të ekonomisë dhe pasigurive që ka ngjallur kriza. Drejtoresha Ekzekutive e kompanisë NOA, Herjola Spahiu ka deklaruar në emisionin ezonë se sektori i mikrofinancës do të vazhdojë të mbështesë më financime bizneset e vogla familjare dhe individët, vecanërisht në sektorin energjetik, për të cilin ka kërkesë për panele apo produktet shtëpiake me eficencë të lartë energjie.
“Për bizneset e vogla familjare do të vazhdojmë që të kemi fokusin tonë. Ne do të vazhdojmë t’i mbështesim me financime. Shikojmë që ka një problematikë të shtuar, vecanërisht aty ku konkurrenca është më e lartë, si kafet, restorantet, në zonat urbane kryesisht, që vështirësohet pak a shumë me këto kosto të shtuara të të bërit biznes për të menaxhuar edhe ecurinë e bizneseve të tyre familjare.
Tek individët do të mundohemi që të fokusohemi tek ato pjesë të tregut që do të kenë kërkesë. Për investime nevoja është shumë e ulët dhe kjo vjen edhe nga familjet. Aktualisht nuk shohim të ketë shumë investime që po kryhen, përjashto këtu ato për kursimin e energjisë, si panelet elektrike, produktet shtëpiake me eficencë të lartë energjie. Këtu kemi vënë re një zhvillim më tej të kërkesës së individëve dhe familjeve që do të mundohemi që ta mbështesim”, ka deklaruar Spahiu.
